बधशालामा देश

0
1862

केही वातावरणविद्हरुले
सहरभित्र निर्माण गरे एक विशाल
चिडियाखाना

चिडियाखानाभित्र उनीहरुले निर्माण गरे
चराहरुका लागि उपयुक्त
चिडियाघरहरु

र, उनीहरुले सुरु गरे
चराहरुको देशव्यापी संरक्षण अभियान

जङ्गलबाट उनीहरुले
एक एक गरेर खोज्न सुरु गरे चराहरु
र, चराहरुलाई चिडियाघरहरुमा
कैद गर्न थाले

जङ्गलभित्र विस्तारै हराउन थाले
चराहरुको सङ्गीत

केही वर्षपछि
चिडियाघरहरुबाट
एकाएक लोप हुन सुरु भए चराहरु

र, सहरमा बढ्न थाले
मासु व्यापारी

यतिखेर
निकै प्रसन्न मुद्रामा देखिन्छन्
वातावरणविद्हरु

र, उनीहरुले
प्रयोगशालामा बनाउन थालेका छन्
चराहरुको क्लोन

जनमत साहित्यिक मासिक

LEAVE A REPLY

Please enter your comment!
Please enter your name here