त्यो के आकाश नि ड्याडी ?

0
502

‘ऊ त्यो के ड्याडी ?’

भुइँमा खेल्दै गरेको
उसका मसिना औंलाहरु माथि आकाशतिर उठे
र अखबार पढ्दै गरेका मेरा आँखाहरु
उसका प्रश्नहरुले
अनायासै ऊतिर तानिइरहे

ऊ घरी आकाश हेथ्र्यो
र मलाई हेथ्र्यो
घरी मलाई हेथ्र्यो
र आकाश हेथ्र्यो

त्यहाँ,
उत्सुकतापूर्वक खेलिरहेका
उसका आँखाहरुलाई मैले नजिकैबाट
नियालिरहें

र, मैले उसलाई भने, ‘आकाश’

उसले मलाई
फेरि सोध्यो, ‘के आकाश नि ?’

‘नीलो आकाश’– मैले भनें

‘कसको आकाश नि ?’

‘सानो अनिशको’

र, उसले कौतुहलपूर्वक
एकपल्ट माथि आकाशतिर हे¥यो
मलाई हे¥यो
र फिस्स हाँस्यो

हिउँदको घाम थियो
उसको बालशुलभ कोमल हाँसो बोकेर
घामसँगै बिहानको हावा कुद्यो ।
०००
‘ड्याडी ऊ पुतली’
नजिकै खेलिरहेको उसले
मलाई पुनः ध्यानाकर्षित ग¥यो

एउटा पुतली उड्दैउड्दै
नजिकै, हामीनिरै आइपुग्यो
र पर भाग्यो

पुतलीलाई देखेर
उसको आँखा पुलकित थियो
उसले मलाई हे¥यो
र सोध्यो– ‘यो के पुतली नि ड्याडी ?’

‘रातो पुतली’
मैले उसलाई भनें

धेरैबेर
उसले नजिकै उडिरहेको
त्यो पुतलीलाई हे¥यो

‘म समातेर ल्याउँछु’
उसले भन्यो

उसका आँखाहरु रोमाञ्चित देखिए
०००

ऊ पुतलीलाई पछ्याउँथ्यो
पुतली भाग्थ्यो
ऊ थाक्थ्यो
र पुतली बस्थ्यो
ऊ दौडन्थ्यो
पुतली उड्थ्यो
ऊ फेरि थाक्थ्यो
र पुतली उड्न छाड्थ्यो

र, ऊ दङ्ग परेर पुतलीलाई हेथ्र्यो

हिउँदको घाम
उसका कोमल आँखाहरुबाट
खेलिरहेको थियो ।
०००

LEAVE A REPLY

Please enter your comment!
Please enter your name here